“Historia shqiptare të magjeps”/ “Lonely Planet”: Planifikoni udhëtimin tuaj në Shqipëri, pa asnjë shqetësim 28/02 16:04
Kryeministri Edi Rama i është përgjigjur sot për herë të parë akuzave të ardhura nga opozita për arratisjen nga Shqipëria të sekretarit të përgjithshëm të kryeministrisë, Engjëll Agaçi.
Në një komunikim në rrjetet sociale, Rama thotë se Agaçi ndodhet në Itali për shkak të përkeqësimit të gjendjes së tij shëndetësore.
“Prej ditësh këneta ka marrë peng Engjëll Agaçin, ka marrë peng gruan, vajzën e tij, nënën, familjen me fermant të bufit që e shpalli sekretarin e përgjithshëm të kryeministrisë të arratisur nga drejtësia. Agaçi studio në Itali, u bë pjesë e një prej studiove të njohura të avokatisë në Romë, u kthye në Shqipëri me ftesën time dhe i përket ajkës së juristëve shqiptarë.
Për atë që përfaqëson është vlerësuar me medalje nderi nga Presidenti i Italisë. Para disa kohësh u nis në Itali për arsye domethënëse shëndetësore, kaloi në tehun mes jetës dhe vdekjes si pasojë e një bllokimi të një arterie koronare për të cilën u operua në zemër dhe pas operacionit pati një dalje të mushkërive nga funksioni gjë që imponoi futjen në aparaturën e frymëmarrjes së drejtuar.
Pas një periudhe shumë të vështirë në reanimacion ku prej disa ditësh mjekët italian rezervoheshin të jepnin siguri se do të dilte nga situata e rëndë, vazhdon të jetë nën mbikëqyrjen e tyre për të rehabilituar mushkëritë e rënduara rëndë.
Kurrë mos e votofshin PS-në ata që nuk na duan dhe veç të keqen do na marrin prapë si ç’na e kanë marrë 9 herë rresht, çfarë shqiptarësh janë që akoma mbajnë në jetën politike të vendit me mbështetjen dhe votat e tyre një karikaturë të njeriut dhe një përçudnim të shqiptarit se për qytetar nuk bëhet fjalë ta llogarisësh atë mbret të lumit, unë nuk e di. është e pabesueshme që mes kënetës së bufit dhe Shqipërisë në BE të zgjedhësh dhe brohorasësh kënetën. Gjynah i madh, mëkat“.
Top Channel
