Në 3 ditë 555 tërmete në Santorini, turistë dhe punonjës dynden në aeroport dhe portin e ishullit për t’u larguar, mes tyre edhe shqiptarë 04/02 10:52
Tarifat prej 10% të presidentit amerikan Donald Trump ndaj Kinës kanë hyrë sot në fuqi.
Lëvizja përshkallëzon tensionet tregtare midis dy ekonomive më të mëdha në botë.
Pas hyrjes në fuqi të tarifave, Pekini ka thënë se do të vendosë tarifa hakmarrëse për një sërë produktesh amerikane, sipas BBC.
Kundërmasat përfshijnë një taksë 15% për importet e qymyrit dhe gazit natyror të lëngshëm nga SHBA.
Nafta bruto, makineritë bujqësore, kamionët dhe makinat me motor të madh do të përballen me një tarifë prej 10%.
Njoftimi erdhi menjëherë pas hyrjes në fuqi të tarifave të reja prej 10% të Donald Trump ndaj Kinës.
Trumpi synon të bisedojë me presidentin e Kinës, Xi Jinping, në ditët në vijim.
Përveç tarifave, Kina njoftoi gjithashtu se do të vendosë kontrolle ndaj eksportit të disa elementeve jetike për prodhimin e produkteve moderne të teknologjisë së lartë. Këto përfshijnë tungstenin, teluriumin, bismutin, molibdenin dhe indiumin. Shumica e këtyre elementeve janë cilësuar si minerale jetike nga Shërbimi Gjeologjik i SHBA-së, që do të thotë se janë thelbësore për ekonominë ose sigurinë kombëtare të SHBA-së.
Kina kishte vendosur në dhjetor kontrolle edhe për elemente kyç, siç është galiumi, i cili përdoret në prodhim.
Ministria e Financave gjithashtu vendosi dy kompani amerikane në listën e entiteteve të pasigurta: PVH Group, e cila është pronare e Calvin Klein dhe Tommy Hilfiger, dhe Illumina, një kompani bioteknologjike me zyre në Kinë.
Përfshirja në këtë listë ua ndalon atyre të angazhohen në aktivitete të lidhura me importin ose eksportin në Kinë, si dhe të bëjnë investime të reja në vend.
Top Channel
