Shorti Champions/ Goglat “shpëtojnë” Bayernin, finale e parakohshme mes Cityt dhe Realit, Milan eviton Juventusin 31/01 12:27
Pas nëntë orë debatesh, Kuvendi miratoi projektligjin me propozues socialistin Blendi Klosi që përjashton nga TVSH për 10 vjet hotelet me 4 dhe 5 yje.
Sikurse edhe e paralajmëruan gjatë diskutimeve në komisionet parlamentare, tre deputetët socialistë Erion Brace, Pandeli Majko dhe Petro Koci, dhanë votë abstenuese.
Kundër votoi deputeti demokrat Bujar Leskaj, i vetmi nga grupi parlamentar i PD prezent në sallë gjatë votimit.
Ndërkohë, mandati i deputetit Vullnet Sinaj nuk do të shkojë në kushtetuese. Socialistët me votat e tyre e rrëzuan raportin e demokratëve, ku ngrihet pretendimi për papajtueshmëri të mandatit e si pasojë, fjalën e fundit do ta thoshte Kushtetuesja.
Socialistët rrëzuan edhe kërkesën e demokratëve për ngritjen e një komisioni hetimor parlamentar për Portin e Jahteve në Durrës dhe Portin e ri në Porto Romano.
Kuvendi miratoi ndryshimet e parashikuara në aktin normativ të qeverisë, që i hap rrugë bonusit të pranverës për pensionistët. Bonusi do të shpërndahet për pensionistët në muajin shkurt.
Top Channel
