Kortezhi që shoqëronte trupin e kryepeshkopit të ndjerë Anastas Janullatos hyri në Shqipëri nga Kakavija këtë mëngjes rreth orës 7.30.
Rrugëtimi i ngadaltë përgjatë fshatrave të Dropullit u nderua nga qytetarë të shumtë. Në Gjirokastër rrugëtimi final i Anastasit u ndal tek katedralja ” Ngjallja e Krishtit” ku qindra besimtarë ishin në pritje për ti dhënë lamtumirën e fundit.
Mitropoliti i Gjirokastrës, hirësi Dhimitri, drejtoi meshën e përshpirtjes shoqëruar nga këmbanat e zisë në të gjithë qytetin.
Mesha i mëshoi kontributit të tij për mirësinë mes njerëzve, kurajos publike për harmoni mes besimeve fetare dhe frymës së mbështetjes për më të dobëtit. Kisha e nderoi atë si njeri të vlerave njerëzore dhe edukimit. Kortezhi ka vijuar rrugëtimin drejt Tiranës ku do të mbahen edhe nderimet finale dhe funerali për kryepeshkopin Anastas.
Top Channel
