Masakroi 82-vjeçarin në Durrës, vihet në pranga autori/ Si fqinji vrau me çekiç të moshuarin
31/12/2024 10:38
Lajm i fundit/ Aksident me vdekje në Lezhë 03/01 08:18
Është arrestuar autori i vrasjes së 82-vjeçarit në Durrës.
39-vjeçarit (fqinj i viktimës) është vënë në pranga pas disa orësh kërkim, pasi vrau me thikë dhe me çekiç, për motive të dobëta të moshuarin. Më pas ai fshehu mjetet e krimit dhe mbylli me çelës nga jashtë derën e banesës së viktimës.
Pas disa orësh punë hetimore dhe profesionale në bashkëpunim me Prokurorinë, Policia zbardhi ngjarjen, identifikoi autorin e vrasjes dhe e shpalli në kërkim shtetasin Fation Janina, 39 vjeç.
Shërbimet e Komisariatit të Policisë Durrës, rreth orës 18:50 të datës 30.12.2024, kanë marrë njoftim se në lagjen nr.13, Durrës, ishte gjetur i pajetë në banesë, dyshohej i dëmtuar me mjet prerës 82-vjeçari P.G.
Në vijim të veprimeve, gjatë kontrollit në banesën e autorit të dyshuar, Policia gjeti dhe sekuestroi në cilësinë e provave materiale 2 thika, 1 çekiç dhe veshjet që dyshohet se ka patur autori gjatë kryerjes së krimit.
Top Channel
