Vrau CEO-n e kompanisë së sigurimeve shoqërore në SHBA, Luigi Mangione njihet me akuzën, rrezikon burgim të përjetshëm 17/12 21:51
Më shumë se një javë pas votës historike të mos-besimit që rrëzoi kryeministrin francez pa arritur të kalonte buxhetin e ardhshëm, deputetët francezë miratuan mbrëmë unanimisht një “ligj special” për të mbajtur në këmbë makinerinë e taksave dhe mbështetjes sociale, shkruan rrjeti vendas AFP.
Ligji minimalist është krijuar posaçërisht për të ruajtur qeverisjen pas rrëzimit të Michel Barnier tre muaj pasi i emëruar kryeministër.
Barnier pësoi votën e parë të mos-besimit që prej qeverisë së kryeministrit Georges Pompidou’s në 1962, kur asokohe presidenti Charles de Gaulle u bë gjithashtu kryeministër.
Ligji u pranua unanimisht nga 481 deputetët që ishin në sallë, por partia e majtë “Franca e Papërkulur” abstenoi. Gjithsesi mbyllja financiare u evitua dhe nesër ligji del para Senatit.
Opozita dënonte faktin që kryetari parlamentit Yael Braun-Pivet refuzoi amendamentet për indeksimin e taksës ndaj të ardhurave sipas inflacionit.
Ata thanë se për çështje duhet të vendosë Këshilli Kushtetues i Francës pas miratimit të ligjit.
Nëse nuk ka indeksim “380,000 familje të reja” mund të përfundojë të taksuara, tha ministri i buxhetit në largim Laurent Saint-Martin, ndërsa korrektime priten edhe sot në parlament.
Për momentin shteti operon me ligjin special financiar, neni kryesor i të cilit është lejimi i ekzekutivit për të vendosur taksa bazuar mbi ato të vitit të shkuar.
Më pas i takon qeverisë së kryeministrit të ri Francois Bayrou të hartojë buxhetin që do të votohet në 2025, shkruan AFP.
Top Channel
