Mbështetja për vrasësin e CEO-s së kujdesit shëndetësor/ Sekretari i sigurisë në SHBA ngre “alarmin”: Për fat të keq, e shohim si… 22/12 21:36
Gazetarja Anila Hoxha e ftuar në Top Story ka zbuluar detaje nga sherri i rëndë sot në Tiranë, ku mbeti i vrarë me thikë një 14-vjeçar, Martin Cani.
“Policia janë sorollatur, jo për të kuptuar motivet, po për të kuptuar se kush e qëlloi për vdekje Martinin dhe kush e plagosi Luisin. Arma e krimit nuk është gjetur ende”, thotë gazetarja.
Hoxha tregon se ka disa dyshime se personi që është grindur me Martinin është i plagosur, por kjo nuk është e konfirmuar zytarisht. Gjithashtu gazetarja bën të ditur se shkaku i këtij sherri nuk janë rrjetet sociale.
“Hetuesit dyshojnë se 14-vjeçarin mund të ketë goditur Marjusi, i cili është gjithashtu i plagosur. Është një dyshim që duhet të konfirmohet, pasi të merret deklarata e Luisit dhe Marjusit, i plagosuri që u grind me të miturin që nuk jeton më.
Ka disa versione të ndryshme pse u përleshën. Njëra është për shkak të sherreve në rrjete sociale, por besoj që ky nuk është rasti. Nga të dhënat e mija, ata dyshojnë se gjithçka ka qenë një hedhje fjalësh mes të dyve. Secili ka thirrur shokët e vet dhe ndodhi ajo që ndodhi”, tha gazetarja.
Top Channel
