Liga e Kombeve/ Ndeshja kryesore mes Belgjikës dhe Italisë, do e ndiqni në Digitalb

Padyshim supersfida e mbrëmjes është ajo mes Belgjikës dhe Italisë që luhet në orën 20:45. Belgjika dhe Italia do të përballen në një ndeshje vendimtare të UEFA Nations League në Stade Roi Baudouin në Bruksel.

Kjo përballje ka rëndësi për të dyja skuadrat pasi ato garojnë për një vend në çerekfinale të kompeticionit. Italia aktualisht kryeson Grupin A2 me 10 pikë nga katër ndeshje, ndërsa Belgjika qëndron në vendin e tretë me vetëm 4 pikë. Situata për të dyja skuadrat është e qartë: Italisë i duhet vetëm një barazim për të siguruar vendin e saj në çerekfinale, ndërsa Belgjika duhet të fitojë për të mbajtur gjallë shpresat për përparim.

Historia e fundit mes këtyre dy palëve favorizon Italinë. Belgjika nuk e ka mposhtur Italinë në një ndeshje konkurruese që nga viti 1972. Ndërkohë një tjetër ndeshje që ka mjft interes sot për shkak  edhe të rezultatti surprizues në takimin e parë në Londër është Greqi-Angli. Fati i keq vazhdon të ndjekë Anglinë në prag të ndeshjeve të radhës në Nations League.

Në vetëm pak ditë tetë lojtarë (Trent Alexander-Arnold, Levi Colwill, Phil Foden, Jack Grealish, Cole Palmer, Aaron Ramsdale, Declan Rice dhe Bukayo Saka) “dezertuan” ekipin kombëtar dhe nuk janë të gatshëm për ndeshjen kundër Greqisë për shkak të dëmtimeve të ndryshme. Trajneri i përkohshëm i “3 luanëve” Lee Carsley humbet për këtë sfidë edhe Jarrad Branthwaite (i cili ishte një nga zëvendësuesit) që për shkak të një problemi fizik dhe nuk ka fluturuar për në Greqi me shokët e skuadrës.

Anglia aktualisht ndodhet në vendin e dytë në grupin 2 të Ligës B dhe ka 3 pikë më pak se kryesuesit e Greqisë, me të cilët do të përballet mbrëmjen e sotme në një sfidë vendimtare për kreun e grupit. Po sot në mbërmje në Paris, Franca pret Izraelin, një ndeshje më tepër se aspekti sportive ka marrë vëmendjen për shkak të sigurës ekstreme në kryeqytetin francez, nisur nga situate jo e mirë politike dhe luftës në gaza që po zhvillon Izraeli. Të gjitha këto ndeshje të ligës së kombeve do të keni mundësinë t’i ndiqni si gjithmonë drejtpërdrejtë në paketën supersport të platformës Digitalb.

Top Channel