Masa “detyrim paraqitje” pa marrë autorizim nga Kuvendi, Kushtetuesja rrëzon Berishën: Nuk prek funksionin si deputet
21/11 22:17
Presidentja e Komisionit Europian Ursula von der Leyen, nis sot turin e përvitshëm të vizitave, në disa vende të Ballkanit Perëndimor.
Ndalesa e parë do të jetë Tirana nga ku parashikohet të nis takimin me kryeministrin Edi Rama në ora 15:00.
Gjashtëdhjetë minuta më pas do të dalin përpara media në një konferencë për shtyp.
Kryeministri Edi Rama dhe Presidentja e Komisionit Europian Ursula von der Leyen rreth orës 17:00 do të marrin pjesë edhe në ceremoninë e hapjes së Kolegjit të Europës.
Ursula von der Leyen e gjen Shqipërinë në këtë vizitë, me një hap të avancuar drejt BE, pas Konferencës së dytë ndërqeveritare dhe çeljes së kapitullit të parë disa ditë më parë në Luksemburg.
Në të fundit vizitë në Tiranë atë të 15 Tetorit të vitit të shkuar, Ursula von der Leyen gjatë Samit të Berlinit, shpalosi planin e rritjes për Ballkanin Perëndimor përmes një pakete 6 miliard Euro.
Ndërsa në 10 vjetorin e Samitit të Berlinit mbajtur në Gjermani javën e shkuar deklaroi se ” se duhet të kryhen “detyrat e shtëpisë” për të përfituar nga Plani i Rritjes”.
Gjatë këtij turi në Ballkanin Perëndimor Presidentja e Komisionit Europian pritet të përcjellë mesazhe për zgjerimin sikurse të ketë një fokus të posaçëm për Planin e Rritjes, i shtrirë në periudhën kohore 2024-2027 për 6 vendet e Ballkanit Perëndimor.
Top Channel
