Kujtoi se gjeti punë në Moskë, përfundon në frontin e luftës 06/10 20:56
Luftrat e egra të trafikut të drogës në Marsejë janë në qendër të vëmendjes pasi një djalë 14-vjeçar dyshohet se u punësua si vrasës me pagesë përmes mediave sociale, të cilit iu premtuan 50,000 euro nga një i burgosur për të kryer një vrasje.
Adoleshenti dyshohet se ishte rekrutuar nga një i burgosur 23-vjeçar, i cili më vonë thirri policinë nga qelia e tij për të denoncuar djalin që pagoi për të kryer vrasjen.
Një hetim është hapur për vrasje të dyshuar dhe komplot për vrasje nga një bandë kriminale. Policia po përpiqet të përcaktojë pse i burgosuri raportoi në polici adoleshentin që e rekrutoi për vrasje.
Prokurori i Marsejës, Nicolas Bessone, e përshkroi incidentin e fundit si “ngjarje të paprecedentë” në një konferencë për shtyp të dielën, duke thënë se luftërat e drogës po rekrutojnë edhe fëmijët.
Të premten, një shofer taksie 36-vjeçar nga firma Bolt, i njohur në Marsejë si futbollist amator, u gjet i vrarë nga një plumb në kokë në makinën e tij jo shumë larg stacionit të trenit të qytetit.
Sipas autoriteteve, ai nuk kishte asnjë lidhje me tregtinë e drogës në qytetin port të Mesdheut dhe megjithëse u qëllua në pjesën e pasme të kokës, dhe nuk besohej të ishte objektivi i synuar.
Djali 14-vjeçar dyshohet se ishte udhëzuar të kryente një vrasje dhe iu tha të udhëtonte me makinë. Ai i kërkoi shoferit të priste dhe kur ai refuzoi, djali e qëlloi në pjesën e pasme të kokës, thanë autoritetet.
Më pas, 14-vjeçari dyshohet se u largua nga vendi i ngjarjes dhe u fsheh aty pranë, duke telefonuar kontaktet e tij dhe duke u kërkuar që të vinin për ta marrë. Por në vend të kësaj, i burgosuri që kishte urdhëruar vrasjen thirri policinë për të raportuar djalin, duke i dhënë vendndodhjen e tij të saktë, tha prokurori. Djali u arrestua dhe po merrej në pyetje.
I burgosuri doli para gjykatësit të dielën dhe u akuzua për këtë çështje.
Prokurori tha se djali 14-vjeçar ishte punësuar për të kryer një vrasje hakmarrëse për vdekjen e një tjetër djali 15-vjeçar të mërkurën e kaluar.
I burgosuri kishte kontaktuar javën e kaluar një djalë 15-vjeçar në internet duke i thënë se do t’i paguante 2000 euro për të frikësuar një konkurrent nga një bandë rivale droge duke i vënë zjarrin derës së tij.
Por adoleshenti u pikas nga anëtarët e një bande rivale që prokurori tha se “e goditi 50 herë me thikë” dhe më pas i vuri flakën duke e vrarë. Djali 14-vjeçar dyshohet se u punësua në internet disa ditë më vonë për t’u hakmarrë për atë vrasje.
Marseja, qyteti i dytë më i madh i Francës, është gjithashtu një nga më të varfrit në Francë dhe është i rrënuar nga dhuna e lidhur me drogën, të cilën presidenti, Emmanuel Macron, u zotua këtë vit ta eliminonte. Qyteti ka dëshmuar vitet e fundit një luftë në terren për kontrollin e tregut shumë fitimprurës të drogës midis klaneve të ndryshme. Bessone tha se viktimat dhe autorët e një dhune të tillë po bëheshin gjithnjë e më të rinj.
Dy vdekjet e fundit nënkuptojnë se numri i vrasjeve të lidhura me drogën në Marsejë është rritur në 17 që nga fillimi i vitit. 49 persona u vranë në dhunën e lidhur me drogën në qytet në vitin 2023.
Top Channel
