Situata e përmbytjeve në Europë, ngrihet alarmi edhe në Itali, vendi pritet të goditet nga stuhia “Boris” 17/09 22:35
Grupi Parlamentar i Parlamentar i PS është mbledhur sot në Elbasan në një kompleks jashtë qytetit.
Mbledhja është hapur nga Kryetari i Grupit Parlamentar Niko Peleshi i cili është fokusuar mbi sfidat e këtij sesioni parlamentar, sipas gazetares së Top Channel, Bruna Kërçyku.
Po ashtu janë duke mbajtur fjalën e tyre kryetarja e Kuvendit, Elisa Spiropali dhe Ministri i Shtetit për Marrëdhëniet me Parlamentin, Taulant Balla.
Mësohet gjithashtu se deputetët do të njihen me punën e deritanishme të Komisionit Antikorrupsion dhe komisionit të Dezinformimit.
Takimi gjithashtu do të fokusohet tek strategjia e komunikimit dhe marrëdhënies me qytetarin.
Po ashtu si porosia për ministrat, edhe deputetët duhet të fokusohen në komunikimin e tyre me qytetarin përballë por edhe përmes rrjeteve sociale.
Një çështje e rëndësishme diskutimi në mbledhjen e grupit Parlamentar të PS është edhe integrimi i Shqipërisë.
Kryeministri Edi Rama iu bashkua mbledhjes në orën 14:00 dhe qëndroi me grupin e PS për rreth 50 minuta.
Majlinda Dhuka është duke folur në mbledhjen e Grupit Parlamentar mbi procesin e integrimit europian, mundësitë e financimit të projekteve nga BE, thellimi i reformave dhe ecurinë e deritanishme të procesit të integrimit.
Ministri i Shtetit për Marrëdhëniet me Parlamentin vuri në dukje rëndësinë e komunikimit me qytetarin duke u ndalur më gjatë në fjalën e tij tek vota e disaporës.
Top Channel
