Trump cakton John Ratcliffe, ish-drejtorin e tij të inteligjencës kombëtare, për të udhëhequr CIA-n 13/11 07:55
Kryeparlamentarja, Elisa Spiropali, ka kujtuar 100-vjetorin e lindjes së At Zef Pllumit.
Me anë të një postimi në rrjetet sociale, Spiropali shprehet se idetë e tij kanë krijuar një model që u bë pjesë e identitetit europian të shqiptarëve dhe se gjithashtu, libri i tij “Rrno vetëm për me tregue” dha një udhëzues të rëndësishëm se si ky model mund të frymëzojë të gjithë.
“Sot përkujtojmë 100-vjetorin e lindjes së At Zef Pllumit.
At Zef Pllumi ishte një figurë e madhe françeskane dhe një nga njerëzit më të shquar të letrave, kulturës dhe qytetërimit shqiptar.
Me jetën e tij të mbushur me dhimbje dhe vuajtje për shkak të besimit dhe ideve të tij, krijoi një model që u bë pjesë e ndërgjegjes kombëtare dhe identitetit europian të shqiptarëve.
Përmes librit të tij “Rrno vetëm për me tregue”, na dha një udhëzues të rëndësishëm se si ky model mund të frymëzojë të gjithë: besimtarë dhe jo besimtarë, të varfër dhe të pasur, qeveritarë dhe qytetarë, të majtë dhe të djathtë, në fshat dhe në qytet, nga lindja në perëndim, nga veriu në jug.
Impenjimi i tij kulturor, social e politik, në kuptimin më të gjerë, mbetet shembull për çdo politikan vullnetmirë që ka orientim themelor drejtësinë sociale.”
Top Channel
