Tragjedi në Nepal/ Nëntë alpinistë humbin jetën nga dy ortekë, mes tyre italianë, gjermanë dhe francezë 04/11 17:38
Më shumë se 2,000 policë thuhej sot se janë angazhuar në Davao të Filipineve për të ndaluar një kult kristian të quajtur ‘Mbretëria e Jezusit’, dhe për të kapur liderin e tij, predikuesin Apollo Quiboloy, i cili arriti të largohej.
Por megjithë akuzat se ishte shndërruar në një qendër praktikash të ndaluara seksuale, anëtarët e kultit rezistuan ndaj policisë duke qëlluar me karrige, orendi dhe ujë të pisët, teksa oficerët bastisën kompleksin për të arrestuar liderin.
Pastori 74 vjeçar i kolonisë së besimtarëve, Apollo Quiboloy, akuzohet se ka krijuar një harem me ‘skllave seksi’ në kompleksin e tij në Davao dhe autoritetet po veprojnë për të ndaluar shkeljet e mundshme të ligjit ose lirive.
Por anëtarët e kultit mohojnë akuzat dhe kanë dalë në mbrojtje të liderit të tyre.
Zyrtarët thanë se 18 njerëz u arrestuan për pengim të drjetësisë ndërsa një burrë tragjikisht pësoi atak kardiak, gjatë operacionit ku disa oficerë u plagosën lehtë. Quiboloy – i cili kërkohet dhe nga FBI – mbetet në arrati.
Kreu i policisë vendase Jean Fajardo, tha: “Kërkimet ende vijojnë teksa radarët monitorues në tregojnë shenja lëvizjeje nën tokë”.
“Ne po ndjekim sinjalin dhe duket se ka shumë kalime të fshehta që lidhin korridoret”.
Quiboloy, i cili e quan veten “Bir i Zotit”, është akuzuar nga FBI për trafik seksual, mashtrim dhe mbajtje me detyrim dhe pastrim parash. Ai është bërë i famshëm fillimisht me predikimet televizive dhe me rrjetet sociale.
Quiboloy ka lidhje me familjen e fuqishme politike të ish-liderit Duterte, me të cilin ka qenë këshilltar derisa sa presidenti u largua nga pushteti në 2022, shkruan rrjeti britanik The Mirror.
Top Channel
