“Për Shqiptarët”/ Lindi vetëm 850 gram, vuajtjet dhe sakrificat e familjes së Valdrinit! 1 vjeçari në luftë për jetën 22/11 23:29
Orges Shehi nuk është më trajneri i Partizanit. Lajmin e ka bërë të ditur vetë klubi i kuq, i cili ka komunikuar se ka mbyllur marrëveshjen me ish-gardianin e njohur, i cili u shpall kampion i Shqipërisë me Tiranën në sezonin 2021/22.
Një vendim surprizë ky nga ana e drejtuesve të kuq, të cilët “luftuan” deri në moment të fundit për ta pasur trajnerin durrsak, kur ai mbylli bashkëpunimin me Tiranën.
Me anë të komunikimit zyrtar nga ana e klubit, është konfirmuar se palët kanë pasur një takim, nga i cili vendosën që të ndërpresin bashkëpunimin, dy javë përpara startit të kampionatit.
Skuadra do të vijoj përgatitjet në drejtimin e Drejtorit Sportiv Arbër Abilaliaj dhe stafit të tij Teknik.
Shehi largohet kështu nga Partizani pas 27 ndeshjeve në krye të stolit të kuq, ku numëron 13 fitore, 6 barazime dhe 8 humbje.
Njoftimi i Partizanit
“Partizani njofton mbylljen e marrëveshjes me trajnerin Orges Shehi. Drejtuesit dhe Shehi kanë zhvilluar një takim, në përfundim të të cilit palët kanë vendosur të ndërpresin bashkëpunimin mes tyre.
Partizani dëshiron të falënderoj Orges Shehin për kontributin e dhënë gjatë kësaj periudhe në drejtimin e ekipit , duke i uruar njëkohësisht shumë suksese në të ardhmen.
Skuadra do të vijoj përgatitjet në drejtimin e Drejtorit Sportiv Arbër Abilaliaj dhe stafit teknik”.
Top Channel
