Iker Bravo u transferua para pak ditësh nga Bayer Leverkusen te Udinese. Sulmuesi 19-vjeçar është një prodhim i akademisë së Barcelonës, teksa gjermanët e pikasën dhe e transferuan në Bundesliga.
Bravo regjistroi vetëm një ndeshje me “aspirinat” ndërsa pati edhe një periudhë huazimi te Real Madrid B.
Gjithsesi, tashmë talenti spanjoll është gati për skenat e mëdha të futbollit europian dhe për të marrë një rol protagonisti te Udinese. Së fundmi, Bravo tregon se idhull të tijin ka Cristiano Ronaldon, ndërsa shtoi se”babai” i tij në futboll është Alvaro Arbeloa, ish-mbrojtësi i Real Madrid.
“Idhulli im i fëmijërisë është Cristiano Ronaldo, ndërsa ushqimi i preferuar është Kebabi. Sa i takon atij që më ka ndihmuar më shumë mund të them për Alvaro Arbeloan, mund ta konsideroj edhe si “babain” tim në futboll sepse më ka ndihmuar shumë në periudhën time te Reali”, u shpreh Bravo.
Top Channel
