Europa League/ Roma “digjet” në fund, Ajax dhuron spektakël përballë Besiktas. Mësoni rezultatet e mbrëmjes së sotme 26/09 22:15
Novak Djokovic mposhti italianin Lorenzo Musetti 2-0 (6-4, 6-2) në gjysmëfinale të turneut të tenisit në Lojërat Olimpike të Parisit.
Ndeshja nisi në mënyrë të barabartë, me setin e parë të barabartë 4-4, para se serbi të siguronte fitoren duke marrë dy “game” të njëpasnjëshme. Më pas, Musetti (i renditur i 11-ti në renditjen e ATP) kryesoi në setin e dytë (1-2), por vetëm kaq sepse Djokovic nuk la më asnjë “game”, duke e mbyllur këtë set 6-2.
Pavarësisht se ka një dëmtim në gjurin e tij të djathtë, Djokovic do të përballet për fitimin e medaljes së artë në tenis me Carlos Alcaraz, i cili së fundmi e mundi në finalen e Wimbledonit.
Tenisti 37-vjeçar është në kërkim të një titulli të paprecedentë në karrierën e tij, pasi rezultati i tij më i mirë olimpik ishte medalja e bronztë në Pekin 2008.
Nga ana e tij, Alcaraz eliminoi këtë të premte kanadezin Felix Auger-Aliassime./ Super Sport
Top Channel
