SPAK rëndon pozitën e Jorgo Goros, sekuestrohen 4 ha tokë në Himarë, detajet 04/07 15:08
Ka reaguar edhe Presidenca Franceze për vdekjen e kolosit të letërsisë shqipe, Ismail Kadare.
“Këtë të hënë vdiq një shkrimtar i cili mishëroi, me jetën, me veprën dhe me personalitetin e tij, pasurimin e dialogut, forcën e shpirtit europian dhe vokacionin mikpritës të Francës.
Është larguar nga ne shkrimtari franko-shqiptar Ismail Kadare. Ai ishte një nga ata për të cilët shkrimi është një luftë; atyre që çdo fjalë e tyre është shkëputur nga heshtja.
Jetoi dhe krijoi si njeri i lirë, në një vend që nuk ishte: Shqipëria Sovjetike e pasluftës, nën udhëheqjen e hekurt të Enver Hoxhës. Por zbulimi i letërsisë hapi brigjet e një bote të re për të. Ai forcoi rezistencën e tij intelektuale”, thuhet mes të tjerash në deklaratën e lëshuar nga Presidenca.
Në këtë reagim, Presidenti i Francës Emmanuel Macron ka shprehur ngushëllimet e sinqerta për familjen e shkrimtarit.
Top Channel
