Pasardhëset e Sevasti dhe Parashqevi Qiriazit surpizojnë ikonën e muzikës shqiptare në New York, Parashqevi Simaku ia merr këngës dhe valles 28/12 09:51
Kadare mori në Francë çmimin ‘Légion d’Honneur’ dhe ‘Man Booker International’ për arritjet e tij në 2005. Por elozhet ndërkombëtare për të sollën disa dyshime e akuza nga shkrimtarja rumune Renata Dumitrascu
Romancieri i mirënjohur shqiptar Ismail Kadare -një kandidat i përhershëm për një çmim Nobel për letërsinë – vdiq të hënën nga një atak në zemër në moshën 88 vjeçare, i tha AFP redaktori i tij dhe një spital i Tiranës.
Mjekët u përpoqën ta rikthenin në jetë shkrimtarin kur ai u soll në spital “pa shenja jete”, por ai u deklarua i vdekur në orën 8:40 të mëngjesit, me orën lokale, tha spitali.
Redaktori dhe botuesi Bujar Hudhri konfirmoi vdekjen e tij.
Nëpërmjet romaneve si “Prilli i thyer” dhe “Gjenerali i ushtrisë së vdekur”, ai përdori metaforën dhe sarkazmën për të kronizuar fatin grotesk të vendit të tij dhe popullit të tij nën diktatorin komunist paranojak Enver Hoxha.
Pavarësisht se u cilësua si tradhtar nga udhëheqësit komunistë të Shqipërisë kur ai dezertoi në Francë në vitin 1990, Kadare u akuzua nga disa se gëzonte një pozicion të privilegjuar nën Hoxhën, i cili e shkëputi vendin ballkanik nga pjesa tjetër e botës.
Ishte një akuzë që ai e hodhi poshtë me ironi.
“Kundër kujt më mbronte Enver Hoxha? Kundër Enver Hoxhës?“, Kadare i tha AFP në 2016.
“Ferri i komunizmit, si çdo ferr tjetër, po mbytej në kuptimin më të keq,” i tha Kadare AFP në një nga intervistat e tij të fundit në tetor.
“Por letërsia e transformoi atë në një forcë jete, një forcë që të ndihmoi të mbijetosh dhe të mbash kokën lart dhe të fitosh mbi diktaturën. Kjo është arsyeja pse i jam shumë mirënjohës letërsisë, sepse më jep mundësinë të kapërcej të pamundurën”, tha shkrimtari, i cili edhe pse ishte dukshëm i dobët, ishte ende duke punuar.
Top Channel
