Pakti i Putin me Kim Jong Un, SHBA çon aeroplan mbajtësen në rajon! Stërvitje trepalëshe me Korenë e Jugut dhe Japoninë 24/06 14:34
Lulzim Basha ka paralajmëruar lëvizjen e radhës pasi Apeli e rrëzoi këtë të martë.
Sipas burimeve, ai sot pritet të mbledhë kryesinë pas vendimit të Apelit.
“Do të mbledhë njëherë kryesinë pastaj kolegjin e kryetarëve për të konsoliduar qëndrimin në fund ndoshta në orën 17.00 sot”, sipas burimeve.
Gjykata e Apelit vendosi që vula e Partisë Demokratike t’i kalonte Rithemelimit, grupimit të Sali Berishës.
Gjykata e Apelit vendosi mos pranim të ankimimit të Enkelejd Alibeajt me vendim unanim nga të reja gjyqtaret.
Trupa gjykuese e përbërë nga Alma Ahmeti e anëtarë Iliba Bezati dhe Elona Toro nuk pranuan ankimin, duke lënë në fuqi vendimin e gjykatës së Shkallës së Parë të marrë nga gjyqtari Agron Zhukri se vula i takon Berishës.
Në 27 dhjetor të vitit të kaluar Gjykata e Lartë riktheu për rishqyrtim vendimin e dhënë nga Agron Zhukri që njihte si kryetar të Partisë Demokratike Sali Berishën. Në arsyetimin e dhënë nga gjykata e Lartë theksohet se në vendimin e dhënë, janë bërë shkelje proceduriale duke u interpretuar gabim normat dhe ligji procedurial.
Top Channel
