“Fituan Scudetton dhe falimentuan”/ Marotta i përgjigjet ‘kunjave’ të presidentit të Milanit: Jemi të vetmit në qytet me dy yje 23/12 21:18
Shqipëria po përgatitet për startin e Europianit, me Kombëtaren kuqezi që do të ndeshet kundër Italisë më 15 qershor në Dortmund. Drejtori teknik i FSHF-së, Fulvio Pea, tregoi në një intervistë për “Sportitalia” se skuadra nuk ka frikë dhe se do të jemi një ekip i vështirë për t’u mundur.
A besoni në kalimin e raundit?
“Trajneri ynë mundi të krijojë një filozofi loje në një kohë të shkurtër, i aftë për të shfrytëzuar më së miri aftësitë e secilit lojtar individual. Për këtë arsye ne do të jemi një ekip i vështirë për t’u mposhtur dhe nëse jemi cinikë, patjetër që mund të shpresoj për një rezultat të rëndësishëm jo vetëm për vetë kompeticionin, por që do të ndihmonte edhe futbollin në vendin tonë”.
A mund të befasojë kjo kombëtare?
“Të jemi surpriza e këtij kompeticioni është objektivi ynë kryesor, të vetëdijshëm se kemi lojtarë me hapësirë për rritje dhe që aktualisht po arrijnë pjekurinë e tyre futbollistike. Për më tepër, eksperienca e disa veteranëve do të jetë ngjitësi mes taktikave dhe paskrupulltisë”.
Cilat janë pikat tuaja të forta?
“Preferoj ta mbaj përgjigjen brenda në dhomat e zhveshjes (qesh)”.
A do të jeni më të shkujdesur se Spanja, Kroacia dhe Italia?
“Avantazhi më i rëndësishëm janë emigrantët e shumtë shqiptarë dhe në Gjermani ka kaq shumë, ashtu siç do të ketë edhe më shumë nga ata që do të vijnë për të brohoritur ekipin tonë nga e gjithë bota, duke sjellë pasion dhe ndjenjën e përkatësisë. Sigurisht që në tribuna do të ketë shumë ngjyra kuq e zi.”
Top Channel
