“Martin sot na sheh nga lart”/ Qirinjtë qëndrojnë ende të ndezur në vendin ku u vra 14-vjeçari: Nuk do t’i harrojmë kurrë sytë e tu të bukur si deti 23/11 23:05
Skënderbeu ka marrtë një goditje të rëndë nga Komisioni i Disiplinës dhe Etikës, me klubin korçar që është dënuar me bllokim të transferimeve në tre periudha të merkatos (korrik/gusht 2024, janar 2025, korrik/gusht 2025). Si mosrespektim i vendimeve të FSHF-së, kjo e fundit duket se ka vendosur të dënojë “Ujqërit e Dëborës”.
Sipas Disiplinës, ajo që rrezikon është edhe Tirana, me klubin bardheblu që i është dhënë 30 ditë kohë për të ekzekutuar vendimin.
VENDIMET:
- FC Kinostudio U-15, për sjellje të gabuar të spektatorëve duke sjellë mungesë të rregullit dhe disiplinës në stadium, duke ofenduar dhe fyer lojtarët e ekipit kundërshtar, në bazë të neneve 13/2/b 17/1, 17/2/a, 17/2/b, 17/2/c dhe 17/2/h të KDE, dënohet me gjobë në masën 300.000 (treqind mijë) lekë dhe zhvillimin e 4 (katër) ndeshje pa spektatorë. Sipas nenit 76/1/e të KDE, gjoba të aplikohet në masën 3%.
- Lojtari i Arena U-19, Ajsel Gjini, për sulm ndaj zyrtarëve të ndeshjes, në bazë të nenit 14/1/l të KDE, dënohet me 15 (pesëmbëdhjetë) ndeshje pezullim nga veprimtaritë.
- Lojtari i Arena U-19, Arxhen Margjokaj, për sulm ndaj zyrtarëve të ndeshjes, në bazë të nenit 14/1/l të KDE, dënohet me 15 (pesëmbëdhjetë) ndeshje pezullim nga veprimtaritë.
- Zyrtari i Arena U-19, Endrit Kembaci, për nxitje dhune dhe sulm ndaj zyrtarëve të ndeshjes, në bazë të neneve 14/1/l të KDE, dënohet me 1 (një) vit pezullim nga veprimtaritë.
- Flamurtari FC U-16, për braktisjen e ndeshjes së vlefshme të Kategorisë së Parë U-16, kunder FC Kinostudio U-16, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.
- Pranimin e kërkesës së kërkuesit Shoqata Loel e Futbollit Tiranë. Klubi i Futbollit Tirana, për dështim në ekzekutimin e vendimit nr. 13, datë 19.02.2024 të Dhomës Kombëtare të Zgjidhjes së Konflikteve, në bazë të nenit 29/1/b të KDE, i jepet një afat paralajmërues prej 30 (tridhjetë) ditësh për të ekzekutuar vendimin.
- KF Skënderbeu, për dështim në ekzekutimin e vendimit nr. 20, datë 28.02.2020 të Dhomës Kombëtare të Zgjidhjes së Konflikteve, në bazë të nenit 29/1/c të KDE, vendoset ndalimi i regjistrimit të lojtarëve të rinj për 3 (tre) periudha regjistrimi deri në pagesën e plotë të detyrimit.
- Rrëzimin e kërkesës së Flamurtari FC U-15 si të pabazuar në Kodin e Disiplinës dhe Etikës.
Kundër vendimit lejohet ankim brenda 3 (tre) ditëve përpara Komisionit të Apelit.
Top Channel
