Kryesore Politikë Të Fundit

Grupi parlamentar i PD ‘shkarkon’ Bashën dhe Alibeajn nga struktura e përbërjes parlamentare, i zëvendëson me deputetët e “Rithemelimit”

06/06/2024 14:12

Teksa Rithemelimi si kalë beteje në parlament kishte rivendosjen e emrit të Sali Berishës, si deputet i grupit parlament të PD, Gazment Bardhi nga ana tjetër kishte vënë në veprim një plan për largimin e Lulzim Bashës dhe të besuarve të tij nga disa asamble parlamentare.

Ky dokument i disponuar prej Top Channel është depozituar në Kuvend më 29.05.207 me firmën e Gazment Bardhit, i kërkon kryetares Lindita Nikolla të reflektoi disa ndryshime.

Thelbi ndryshimeve është hiqja e anëtarëve që mbështesin Lulzim Bashës dhe të zëvendësohen me deputetët e Rithemelimit.

Kreut PD, Lulzim Basha, është hequr nga anëtar në Asamblenë për Bashkëpunimin e Evropës Perëndimore dhe është zëvendësuar nga Oerd Bylykbashi.

Ndërkohë që në Këshillin për Rregulloren, Mandatet dhe Imunitetin Gazment Bardhi ka hequr Enkelejd Alibeaj dhe e ka zëvendësuar me Oerd Bylykbashi.

Kërkohen po ashtu ndryshime në Kryesinë e Grupit Parlamentar të Partisë Demokratike, ku është rikonfirmuar Ervin Salianji, por është shtuar Albana Vokshi ne vend të Luciano Bocit që dorëzoi mandatin e deputetit një vit më parë; ndërsa si zëdhënës/Sekretare – Ina Zhupa.

Ndryshimet e propozuara përfshinë edhe disa delegacione të përhershme ndërkombëtare sic janë Komiteti Parlamentar për Stabilizim Asocim, Asambleja Parlamentare për Bashkëpunimin e Europës Perëndimore, Dimensioni Parlamentar i Iniciativës së Europës Qendrore, Asambleja Parlamentare për Bashkëpunimin e Evropës Juglindore, Konferenca për Bashkëpunimin në Mesdhe, si dhe në Asambleja Parlamentare e Unionit Ndërparlamentare.

Këto përplasje brenda fraksioneve të PD vinë vetëm disa ditë përpara datës 11 Qershor kur në Gjykatën e Apelit do të vendosë për vulën e PD-s.

Ndryshimet:

Ndërkohë në përputhje me pikën 2, të nenit 16 të Rregullores së Kuvendit, në Kryesinë e Grupit Parlamentar të Partisë Demokratike janë bërë ndryshimet si më poshtë vijon:

a) Nënkryetar – Ervin Salianji:

b) Nënkryetar – Albana Vokshi;

c) Zëdhënës/Sekretar – Ina Zhupa.

Në përputhje me pikën 3, të nenit 7 të Rregullores së Kuvendit, bëhen ndryshimet në listën e anëtarëve në disa delegacione të përhershme ndërkombëtare, për përfaqësuesit e Grupit Parlamentar të Partisë Demokratike, si më poshtë:

Komiteti Parlamentar për Stabilizim Asociim (KPSA):

Jorida Tabaku – Anëtar;

Gazment Bardhi – Anëtar;

Agron Gjekmarkaj – Anëtar;

Ina Zhupa – Anëtar,

Zheni Gjergji – Anëtar;

Saimir Korreshi – Anëtar;

Sorina Koti-Anëtar;

Lindita Metaliaj – Anëtar zëvendësues;

Lefter Gështenja – Anëtar zëvendësues.

Asambleja Parlamentare për Bashkëpunimin e Europës Perëndimore:

Oerd Bylykbashi (anëtar)