Bota Kryesore Të Fundit

“Era e gjakut e padurueshme, kufoma në qese plastike”, situata e rënduar në Gaza! 27 të vdekur në një shkollë

06/06/2024 07:55

Agjencia e lajmeve e Hamasit në Rripin e Gazës njoftoi se të paktën 27 persona u vranë dhe dhjetëra u plagosën në një shkollë, ku ishin të strehuar në në Nuseirat, në pjesën qendrore të enklavës palestineze.

Ministria e shëndetësisë e Hamasit nuk e ka konfirmuar ende numrin. Agjencia e lajmeve Reuters nuk ishte në gjendje ta verifikonte atë në mënyrë të pavarur. Mediat palestineze raportojnë se viktimat janë 30 dhe mes tyre ka edhe fëmijë. Ata kanë postuar edhe video të të vdekurve të mbuluar me batanije. “Pak kohë më parë, avionët luftarakë të udhëhequr nga forcat e Divizionit 99, Divizionit të Inteligjencës dhe Shin Bet sulmuan një kompleks të përdorur nga organizata terroriste Hamas që ndodhet brenda një shkolle të UNRWA në zonën e Nazaretit.

“Terroristët e Hamasit dhe Xhihadit Islamik Palestinez që i përkisnin forcave Nuhba dhe kishin marrë pjesë në sulmin vdekjeprurës ndaj komuniteteve në jug të Izraelit më 7 tetor, vepronin atje. Terroristët e drejtuan fushatën e tyre të terrorit nga zona e shkollës dhe (…) e përdorën atë si strehë”, thuhet në deklaratën e ushtrisë izraelite. Burimet mjekësore në enklavë të cituara nga Agjencia Gjermane e çojnë numrin e të vdekurve në të paktën 62 të vdekur, mes tyre gra dhe fëmijë.

Sipas Hamasit, më herët gjatë natës spitali në Deir al-Bala përjetoi “një avari në një prej gjeneratorëve”, i cili kërcënon të komplikojë trajtimin e pacientëve në nevojë dhe të shkaktojë një “katastrofë humanitare”.

Edhe para bombardimeve në Nuseirat, dje të martën “të paktën 70 të vdekur dhe më shumë se 300 të plagosur, kryesisht gra dhe fëmijë” ishin trajtuar në spital, pas “bombardimeve izraelite në zonat qendrore të Rripit të Gazës”, tha organizata Mjekët pa Kufi (Médecins sans Frontières, MSF).

“Era e gjakut në urgjencë në mëngjes ishte e padurueshme. Të lënduar ishin shtrirë gjithandej, në dysheme, jashtë… Ata sollën kufoma në qese plastike. Situata është e padurueshme”, tha Karin Haster, koordinatore e OJQ-së në Rripin e Gazës, sipas një postimi të MSF në X.

The martyrs of the Al-Sardi School massacre from the Nuseirat camp. The death toll is currently at 30 including children. pic.twitter.com/cScnc4zpRp

— Eye on Palestine (@EyeonPalestine) June 6, 2024