U ekzekutua sot nga forcat izraelite, kush ishte udhëheqësi i Hamasit, Yahya Sinwari? 17/10 22:49
Forcat izraelite kanë vazhduar të godasin objektivat në Gaza edhe pse SHBA dhe aleatët e saj bëjnë presion që të dyja palët të pranojnë një propozim për armëpushim.
Sipas zëdhënësit të Këshillit të Sigurisë Kombëtare, John Kirby, qeveria amerikane pret që Izraeli do të pranojë një propozim armëpushimi që do të fillonte me një ndërprerje gjashtë-javore të armiqësive në Gaza, nëse Hamasi merr marrëveshjen.
“Ne jemi duke pritur për një përgjigje zyrtare nga Hamasi. SHBA shpreson që të dyja palët të bien dakord për të filluar fazën e parë të planit “sa më shpejt të jetë e mundur”, tha ai.
Plani me tre pjesë i prezantuar nga Presidenti Joe Biden javën e kaluar do të ishte gjithashtu një “rritje” e ndihmës humanitare, si dhe një shkëmbim i disa pengjeve për të burgosurit palestinezë përpara një përfundimi të përhershëm të luftës.
Propozimi, sipas BBC, ka hasur në kundërshtimin e zëshëm nga disa anëtarë të qeverisë izraelite. Negociatat vijnë ndërsa luftimet vazhdojnë në Rafah, i cili u vu nën sulme ajrore intensive izraelite gjatë fundjavës.
Sipas UNRWA, agjencia e OKB-së për refugjatët palestinezë, të 36 strehimoret e saj në zonën e Rafah janë bosh pasi banorët u detyruan të largoheshin.
1.7 milion njerëz të tjerë vlerësohet të jenë të zhvendosur në Khan Younis dhe pjesë të Gazës qendrore.
Top Channel
