Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Vladimir Putin vendosi të zëvendësojë ministrin e vjetër të Mbrojtjes Sergei Shoigu me Andrei Belousov.
Sipas mediave të huaja, ai është një emër që nuk e kemi dëgjuar shumë gjatë luftës, por si ministër i Mbrojtjes ai do të bëhet një figurë kyçe.
Por kush është Andrei Belousov?
Sipas Sky Neës, 65-vjeçari u diplomua në Fakultetin Ekonomik të Universitetit Shtetëror të Moskës në vitin 1981.
Ai u emërua këshilltar i kryeministrit rus në vitin 2000 dhe iu bashkua Ministrisë së Ekonomisë në vitin 2006.
Midis 2008 dhe 2012 ai shërbeu si drejtor i departamentit të ekonomisë dhe financave nën drejtimin e Vladimir Putinit.
Belousov u emërua ministër i Ekonomisë në vitin 2012 dhe më pas shërbeu si këshilltar i presidentit rus nga viti 2013 deri në vitin 2020.
Pas kësaj ai ishte zëvendëskryeministër – me një periudhë të shkurtër ku ai shërbeu si kryeministër kur Mikhail Mishustin u prek nga COVID-19 në vitin 2020.
Ndryshe nga ministrat e mëparshëm të Mbrojtjes, Belousov nuk ka një përvojë ushtarake, por ai besohet të jetë i afërt me Putinin.
Top Channel
