![](https://top-channel.tv/wp-content/uploads/2024/09/kf_sd-800x450.jpg)
Kryeministri i Kosovës, Albin Kurti, ka folur për mediat pas takimit që zhvilloi me kreun e PDK-së, Memli Krasniqi, në të cilin prezent ishin edhe Mimoza Kusari nga LVV dhe Abelard Tahiri nga PDK.
Ai u pyet nga gazetarët nëse do ta dërgojë në Kushtetuese draft-statutin për Asociacionin.
“Nuk kam asgjë të re të ju them në këtë aspekt për shkak se i kemi plotësuar të gjitha kushtet, tash besoj që fjalën nuk e kemi ne por e ka Këshilli i Ministrave i cili mban zgjedhje me 16 dhe 17 maj pra është çështje ditësh”, tha Kurti sa i përket anëtarësimit të Kosovës në KiE.
Më pas Kurti tha se do të insistojë që të takohet edhe me liderët e partive të tjera opozitare.
“Do të insistoj të takohem edhe me të tjerët nuk është synimi im të përjashtoj askënd, marrëveshjet ndërkombëtare e bëjnë të domosdoshëm bashkëpunimin”, tha Kurti sa i përket bashkëpunimit me opozitën.
Ai vlerësoi se kjo legjislaturë ka qenë e mirë. Ndërkaq, kryetari i PDK’së, Memli Krasniqi tha se nuk është diskutuar për draft statutin e asociacionit.
Top Channel