Janë mbyllur votimet për zgjedhjet presidenciale dhe parlamentare në Maqedoninë e Veriut.
Sipas të dhënave, deri në orën 18:00 pjesëmarrja për zgjedhjet presidenciale ishte 46.34%, ndërsa për zgjedhjet parlamentare pati pak më shumë pjesëmarrje, me 53.43 %. Deri rreth orës 17:00, në zgjedhjet presidenciale pjesëmarrje më të madhe kishte në Novac me 66,47%, ndërsa më të vogël në komunën e Likovës me 6,48%.
Rezultatet do të jenë vendimtare për të kuptuar nëse vendi do të vazhdojë t’i përmbahet kursit drejt BE-së.
Zgjedhjet presidenciale në raundin e parë më 24 prill shënuan një fitore të qartë të nacional-konservatorëve, partisë në opozitë VMRO-DPMNE në Maqedoninë e Veriut.
Në garë janë dy kandidatë, fituesja e rundit të parë, Gordana Silanovska-Davkova që fitoi 363.000 vota dhe presidenti aktual, Stevo Pendarovski, me 180 mijë vota.
Për zgjedhjet presidenciale janë regjistruar rreth 1.814.317 votues, ndërsa për zgjedhjet parlamentare ky numër është rreth 1.815.350 votues.
Top Channel
