Një aksident është regjistruar këtë të diel në aksin Lezhë-Shëngjin, në vendin e quajtur lagjja “Xhenjo”.
Dy automjete janë përplasur me njëra-tjetrën duke shkaktuar plagosjen e dy personave.
Të plagosurit janë dërguar për ndihmë mjekësore në spitalin rajonal të Lezhës nga ku behet e ditur se ndodhen jashtë rrezikut për jetën.
Policia e cila mbërriti menjëherë në vendngjarje nisi hetimet për shkaqet dhe rrethanat e këtij aksidenti.
Sipas të dhënave paraprake, mjeti tip “Golf” ka goditur nga pas mjetin tjetër tip “Polo” duke e spostuar jashtë rrugës, ndërsa dyshohet se shkak mund të ketë qenë shpejtësia e lëvizjes përgjatë këtij segmenti.
Top Channel
