Pesë turistë britanikë bllokohen në “Shpellën e Pëllumbasit”, shkak terreni i vështirë malor dhe errësira
28/04/2024 10:46
E diela me diell tërheq pushuesit drejt Durrësit, krijohet trafik i rënduar në rrugët e qytetit 12/05 14:15
Pesë turistë britanikë mbetën të bllokuar për disa orë në “Shpellën e Pëllumbasit” në Tiranë.
Sipas njoftimit të policisë, pas disa orësh operacion kërkim-shpëtimi, ‘blutë’ ndihmuan 5 turistët.
Operacioni i kërkim-shpëtimit, gjatë mbrëmjes së djeshme deri pas mesnatës, u krye nga shërbimet e Komisariatit të Policisë Nr. 1, në bashkëpunim me grupin alpin të Forcës Kombëtare të Sigurisë, dhe me Federatën Shqiptare të Alpinizmit.
Turistët nga Mbretëria e Bashkuar kishin mbetur të bllokuar në vendin e quajtur “Shpella e Pëllumbasit”, për shkak të terrenit të vështirë malor dhe errësirës.
Sipas informacioneve ata janë në gjendje të mirë shëndetësore.
Top Channel
