U dëmtua gjatë punës nga një makineri, ndërron jetë 50-vjeçari në Durrës 25/11 14:13
Në Top Story është diskutuar për pezullimin e pedagogut nga Prishtina Xhevat Krasniqi i cili akuzohet nga 27 studente për ngacmim seksual.
Lëvizja Feministe Studentore për disa ditë rresht protestoi para rektoratit të Universitetit. Aktivistët kërkuan shkarkimin e pedagogut, duke cituar fjalët, që sipas tyre ka thënë profesori “Unë jam i drejtë në vlerësim, e kështu jam i drejtë, kur dush të bëj masazh”.
Në lidhje në Skype në emision kanë qenë dy studente të cilat janë pjesë e Lëvizjes Feministe Studentore, ku njëra prej tyre tregoi edhe disa nga ngacmimet që pedagogu ka bërë me studentet.
Blenda: Ne si lëvizje nuk jemi pjesë e studenteve denoncuese. Studentet denoncuese janë 27 të cilat studiojnë në departamentin e Farmacisë, në Fakuletin e Mjekësisë në Prishtinë, ndërsa aktivistët dhe aktivistet e Lëvizjes Feministe Studentore janë të fakulteteve të ndryshme, por gjatë protestave janë bashkur dhe studentet denoncuese. Nga 27 studente disa prej tyre kanë ndarë përvojat e tyre dhe disa të tjera janë dëshmitare që kanë qenë prezentë gjatë kohës kur kanë ndodhur këto forma të ndryshme të ngacmimit seksual nga i njëjti profesor dhe në hapësira të ndryshme. Janë katër vajza që kanë ndarë përvojat e tyre personale. Duke nisur prej pamjes së tyre, ngjyrës së buzëve, i ka pyetur edhe se “çfarë kanë nën fustan”.
Grida Duma: Si i ka pyetur çfarë ka nën fustan?
Blenda: Pyetja literalisht ka qenë “çfarë ki ndër fund”? Kjo është një prej pyetjveve që një prej vajzave denoncuese e ka deklaruar, që profesoir i ka pyetur studentet se çfarë ke nën fustan. Gjatë mbledhjes së Këshillit të Etikës profesori nuk e ka mohuar. Ai ka thënë se i ka pyetur studentet se çfarë kanë nën fund sepse gjatë verës po i shkruajnë detyrat e matematikës në këmbë dhe kjo i jep të drejtën atij për t’i pyetur se çfarë ke nën fustan. Një prej rasteve të vajzave denoncuese që ka ndarë përvojën e saj në ankesën e shkruar. Profesori qëllimshëm e ka rrëzuar prej provimit për 0.5 pikë dhe e ka detyruar që t shkonte në konsultime që i ka mbajtur me derë të mbyllur.
Grida Duma: Dhe çfarë ka ndodhur në këto konsultime?
Blenda: Të gjitha vajzat që kanë nënshkruar peticionin kanë thënë se konsultimet i ka mbajtur me derë të mbyllur dhe konsultimet i ka mbajtur vetëm me një studente brenda në zyrë me derë të mbyllur dhe një prej vajzave ka tentuar ta përqafojë pa dëshirën e saj dhe i ka ofruar për t’i bërë masazh. Ai së pari i ka ofruar masazh, ia thënë që unë jam i drejtë në vlerësim, por edhe këtu jam i drejtë dhe kur të duash të bëj masazh dhe të njëjtën gjë ia ka demonstruar me duart.
Top Channel
