Kreu i emigracionit në SHBA: Duhet ‘një jetë njeriu’ për të deportuar të gjithë emigratët kriminelë nga New York (fotot)
23/11 21:40
Presidenti i Venezuelës, Nicolas Maduro është përfshirë sot në debatin ndërkombëtar të bastisjes së konsullatës meksikane në Ekuador, duke thënë se po mbyll misionin e vendit të tij në kryeqytetin Kuito në shenjë proteste.
Maduro tha se ka urdhëruar “personelin diplomatik të kthehet në Venezuelë… derisa në Ekuador të rivendoset ligji ndërkombëtar”.
Në fjalën e tij gjatë një takimi virtual të grupit CELAC, të vendeve të Amerikës Latine, edhe ai kërkoi lirimin e ish-ministrit vendas Jorge Glas, që kishte kërkuar strehim në ambasadën e Meksikës dhe tani gjendet në një burg të sigurisë së lartë.
Inkursioni i rrallë në një territor diplomatik ka sjellë prishjen e lidhjeve të Ekuadorit me Meksikën dhe tërheqje të diplomatëve të disa vendeve.
Meksika ndërkohë ka paditur Ekuadorin në Gjykatën Ndërkombëtare të Hagës, duke thënë se kërkon “pezullimin e vendit nga Kombet e Bashkuara.”
Presidenti meksikan Manuel Lopez Obrador tha se qëllimi i padisë është “që kjo mos të përsëritet në vende të tjera të botës duke garantuar ligjin ndërkombëtar”.
Presidenti ekuadorian Daniel Noboa ka mbrojtur veprimet e policisë duke thënë se ishin të nevojshme pasi i kërkuari Glas ‘përbënte rrezik’, por shtonte se ishte i gatshëm të zgjidhë mosmarrëveshjen me Meksikën.
Glas kishte shërbyer si zv. president i Ekuadorit nga viti 2013 deri në 2017 dhe përballet me akuza korrupsioni për kohën kur ishte në post.
Top Channel
