Dasma si në filma! Nusja dhe 2 mijë të ftuarit e prisnin në kishë, dhëndrit i vihen prangat bashkë me të ëmën (Detaje) 24/11 19:15
Partitë e djathta po përdorin platformat sociale, sidomos TikTokun për të tërhequr të rinjtë që votojnë në zgjedhjet europiane të qershorit.
Për herë të parë, në zgjedhjet për Parlamentin Europian lejohen të votojnë edhe 16- dhe 17-vjeçarët. Të rinjtë lejohen të votojnë këtë vit edhe në Belgjikë, Austri, Greqi dhe Maltë. Shqetësuese në kuadrin e zgjedhjeve për Parlamentit Evropian janë në Gjermani platformat e mediave sociale, ku partia populiste dhe pjesërisht ekstremiste e djathtë, Alternativa për Gjermaninë, AfD, zhvillon një fushatë agresive zgjedhore e cila shënjestron në veçanti rininë.
Mesazhet që përdor Kandidati kryesor i AfD-së për zgjedhjet evropiane, Maximilian Krah, janë të thjeshta dhe emocionale dhe gjenerojnë rreth dhjetë herë më shumë shikime dhe shikime sesa ato të partive të tjera, thotë DË. Që AfD është kaq e suksesshme në TikTok, ka të bëjë edhe me mënyrën se si funksionojnë algoritmet – sa më sensacionale përmbajtja, aq më shumë vëmendje. Dhe nëse partitë e tjera mund t’i arrijnë, është e pasigurtë. Sipas ekspertëve vendas, suksesi i AfD tek të rinjtë nuk është ndonjë surprizë e madhe. Sipas tij të rinjtë, që votojnë për herë të parë, janë thellësisht të pasigurt.
Pandemia e koronës me mbylljet e shkollave dhe ndalimet e kontakteve “ishte një barrë e madhe për të rinjtë, sepse që në pubertet në moshën 12 apo 13 vjeçare, ata përjetonin se nuk mund ta drejtosh vetë jetën tënde”, thotë ai. Edhe kriza klimatike, inflacioni, hapësira e kufizuar e banimit dhe varfëria në pleqëri i trembin shumë të rinjtë, dhe kjo i shkon për shtat një partie si AfD, sepse ajo është forca politike që thekson, se qeveritë nuk kanë arritur t’i shmangin këto pasiguri.
Hulumtimet tregojnë se në mbarë botën meshkujt dhe femrat e gjeneratës Z po largohen gjithnjë e më shumë politikisht nga njëri-tjetri: të rinjtë nuk janë politikisht aktivë ose bëhen më konservatorë.
Top Channel
