Prokuroria e Posaçme (SPAK), ka sekuestruar pasuritë e paluajtshme të dy ortakëve të ish-kreut të ARRSH Evis Berberi, konkretisht biznesmenët Ervis Lamaj dhe Valter Begaj.
Këta të fundit, tashmë të arrestuar, akuzohen për veprat penale “Shkelja e barazisë së pjesëmarrësve në tendera”, “Korrupsioni aktiv i personave që ushtrojnë funksione publike”, kryer në bashkëpunim.
Dyshohet se Berberi si ish-kreu i ARRSH, ka kryer 6 procedura prokurimi në të cilat ishte fitues bashkimi i operatorëve të Valter Begajt me një vlerë rreth 2 milionë euro.
Në kuadër të urdhër-arresteve të lëshuara në 14 mars, me urdhër të SPAK është vendosur sekuestrimin e pasurive në emër të 2 biznesmenëve duke nisur nga 5 sipërfaqe toke të kompanisë “DAAM” ku Ervis Lami rezulton të jetë administrator ndërsa Valter Begaj ortak i tij, 6 automjete dhe një motomjet.
Konkretisht:
·Kuotat e shoqërisë “DAAM” sh.p.k., me ortak personin nën hetim V. B. dhe administrator personin nën hetim E. L;
· Pasurinë e paluajtshme Nr.80/2, e llojit “arë”, me sipërfaqe 25,100 m2, me adresë Mangull, Tiranë, vetëm mbi pjesën takuese të shoqërisë “DAAM” sh.p.k.
· Pasurinë e paluajtshme e llojit “arë” me sipërfaqe 1,000 m2, me adresë Mangull, Tiranë, vetëm mbi pjesën takuese të shoqërisë “DAAM” sh.p.k.;
· Pasurinë e paluajtshme e llojit “arë”, me sipërfaqe 1,080 m2, me adresë Mangull, Tiranë, vetëm mbi pjesën takuese të shoqërisë “DAAM” sh.p.k.;
· Pasurinë e paluajtshme e llojit “arë”, me sipërfaqe 2,055 m2, me adresë Mangull, Tiranë, vetëm mbi pjesën takuese të shoqërisë “DAAM” sh.p.k.;
· Pasurinë e paluajtshme me sipërfaqe 5,000 m2, me adresë Mangull, Tiranë, vetëm mbi pjesën takuese të shoqërisë “DAAM” sh.p.k.;
· Automjetin e markës “SKODA”, modeli “FABIA”, viti i prodhimit 2019;
· Automjetin e markës “JEEP”, modeli “COMPASS”, viti i prodhimit 2011;
· Automjetin e markës “BMW”, modeli “X3”, viti i prodhimit 2004;
· Automjetin e markës “FORD”, modeli “KUGA”, viti i prodhimit 2011;
· Motomjetin e markës “DAYANG”, modeli “DY125T-32”, viti i prodhimit 2022;
· Automjetin e markës “KIA”, modeli “SELTOS”, viti i prodhimit 2020;
· Automjetin e markës “HYUNDAI”, modeli “AVANTE”, viti i prodhimit 2020;
Top Channel
