Thellohet skandali i P Diddy! Dëshmia shokuese: Ka abuzuar me Justin Bieber 17/11 22:47
Saga ligjore që rrethon manjatin e repit Sean “Diddy” Combs ka marrë një kthesë të re, me ish-partneren e 50 Cent, Daphne Joy, tashmë e përfshirë në polemika.
Daphne Joy dyshohet se ka marrë një pagë mujore nga Diddy. Akuzat u shfaqën pasi Joy u emërua në padinë prej 30 milionë dollarësh të producentit të tij Rodney “Lil Rod” Jones kundër Combs , duke e implikuar atë në një rrjet të supozuar të trafikimit seksual.
Sipas dokumenteve gjyqësore të marra nga Page Six , Joy , e njohur për angazhimin e saj në platformën OnlyFans , akuzohet se është një nga disa gra që marrin një pagë mujore për përfshirjen e tyre në aktivitetet seksuale, të paligjshme të Combs.
Sipas padisë së ngritur nga producenti Jones, thuhet se reperi Combs mburrej për kompensimin financiar të grave për shërbimet e tyre dhe Joy supozohet se është në mesin e atyre që merrnin pagesa. Joy, 37 vjeç, ka zgjedhur të heshtë për këtë çështje, duke refuzuar t’i trajtojë akuzat publikisht dhe duke mos ofruar asnjë koment për mediat.
Joy është ish-partnerja 50 Cent të cilët u lidhën në vitin 2011. Çifti ka një djalë të quajtur Sire, i lindur në shtator 2012. As 50 Cent nuk ka reaguar publikisht për zhvillimet e fundit. Kjo padi kundër Combs është vetëm një në serinë e betejave ligjore me të cilat ai është përballur kohët e fundit.
Pavarësisht mohimeve të ashpra nga Combs dhe ekipi i tij ligjor, akuzat vazhdojnë të grumbullohen, duke krijuar një re polemikash rreth figurës ikonë në industrinë e muzikës.
Top Channel
