Këngëtarja e njohur futet sonte në shtëpinë e Big Brother VIP! Performon në studio për të promovuar këngën përfaqësuese në Eurovision “Titan” 27/04 14:13
Gazetari belg Marc Roche, i cili jeton në Londër dhe i specializuar në çështjet e familjes mbretërore, bëri një zbulim bombë për Kate Middleton.
Në një intervistë për Gala ai iu referua formës së kancerit nga e cila vuan Princesha e Uellsit, duke cituar një burim të mirëinformuar.
“Gjithçka tregon se ajo ka një histerektomi dhe kancer të zorrës së trashë. Princesha e Uellsit po i nënshtrohet kimioterapisë parandaluese, e cila mund të bëhet në shtëpi, pa pasur nevojë të shkojë në spital”, tha ai.
I pyetur se kur do të kthehej në detyrat e saj mbretërore, ai tha se skenari më i mundshëm do të ishte në qershor ose korrik. “Duke ditur shqetësimin e saj për t’u dukur gjithmonë sa më mirë, ajo do të kthehet kur të shërohet plotësisht. Një gjë është e sigurt: nuk duhet të presim një deklaratë të re. Nuk do të ketë asnjë përditësim të mëtejshëm për gjendjen e saj shëndetësore”, thotë Marc Roche, autor i librit The Borgias in Buckingham, botuar në vitin 2022.
I pyetur pse princesha zgjodhi të zbulojë sëmundjen e saj në një video dhe jo në një deklaratë zyrtare, gazetari belg përgjigjet:
Kate Middleton është një fotografe amatore që ka punuar në modë, kështu që pamjet vizuale janë shumë të rëndësishme për të. Ajo është gjithmonë shumë e kujdesshme për pamjen e saj, imazhin e saj, stërvitet vazhdimisht dhe ha shumë pak. Dhe siç thoshte gjithmonë mbretëresha Elizabeth “duhet të të shohin që të të besojnë”.
“Ajo që më bëri përshtypje të veçantë ishte drejtimi i kësaj videoje. E vetme në një stol kopshti, me xhinse, grim minimal, unaza e princeshës Diana si elementi i vetëm mbretëror. Kate Middleton donte të tregonte se është afër popullit dhe në veçanti t’i bënte thirrje brezit të ri, i cili nuk e mbështet aq shumë monarkinë”, tha gazetari.
Top Channel
