Finalet e Play-Off, të martën përcaktohen tre skuadrat e fundit të Euro 2024

Pas ndeshjeve të së enjtes janë përcaktuar dhe finalet e play-off-it.  Uellsi dhe Polonia do të takohen në Kardif për të caktuar se kush do të jetë skuadra që do të kualifikohet nga play-off-i i ligës A.

Uellsi arriti që të mundë Finalndën 4-1 në ndeshjen gjysmëfinale, ndërkohë që në krahun tjetër Polonia shkatërroi Estoninë 5-1. Një përballje shumë e ekuilibruar, që natyrisht premton shumë spektakël. Kujtojmë se skuadra që do të kualifikohet nga këto dy skuadra do të vendoset në grupin D me Francën, Austrinë dhe Holandën.

Në finalen e Ligës B, Ukraina do të ndeshet me Islandën në Poloni, pasi Ukraina ndeshjet si pritëse i luan në fusha neutrale. Skuadra ukrainase arriti të eliminojë në mënyrë dramatike në Sarajvë Bosnjen, duke përmbysur rezultatin vetëm në 5 minuta e fundit të kohës së rregullt e duke iu afruar kualifikimit në europian.

Islanda në anën tjetër eliminoi Izraelin në transfertë, në një ndeshje tepër të vështirë, që u vendos gjithashtu në 10 minuta e fundit. Skuadra që do të kalojë nga kjo përballje do të luajë në europian në grupin Blegjikën, Sllovakinë dhe Rumaninë.

Në anën tjetër, Greqia pasi mundi 5-0 në Athinë Kazakitanin do të shkojë në Tbilisi për të diskutuar biletën e fundit për në europian ndaj Gjerogjisë. Këta të fundit mundën 2-0 në shtëpi Luksemburgun e të martën në orën 18:00 do synojnë ndaj ballkanasve pjesëmarrjen në euro2024, ndonëse helenët shihen disi më favorit.

Të treja këto ndeshje do të transmetohen në ekranin e SuperSport, në platformën Digitalb. /Supersport

Top Channel