SHBA: Rusia po përshkallëzon konfliktin me praninë e trupave koreano-veriore 18/11 22:44
Forca speciale të policisë kanë bastisur sot shtëpinë e kryetares së parlamentit në Afrikën e Jugut, Nosiviwe Mapisa-Nqakula, pas ngritjes së padive për korrupsion.
Ajo akuzohet se ka marrë rryshfet në këmbim të dhënies së kontratave të lakmueshme në kohën kur ishte ministre e mbrojtjes.
“Kryetarja insiston në qëndrimin e saj se është e pafajshme,” thuhej në një deklaratë të parlamentit.
Por policia tha se po vepronte me urdhrin e prokurorisë për të kryer një “procedurë kontrolli e sekuestrimi”, në rezidencën e Mapisa-Nqakula. Ata shtonin se krye-parlamentarja i kishte mirëpritur dhe kishte bashkëpunuar gjatë kontrollit pesë-orësh.
67-vjeçarja politikane veteran dhe ish-aktiviste anti-aparteid, është bërë kryetare e parlamentit në 2021. Më parë ajo ka qenë për nëntë vjet ministre e mbrojtjes.
Mapisa-Nqakula akuzohet se ka kërkuar dhe ka marrë rryshfet prej $120,000 nga pronari një kompanie për të dhënë kontratën e transportit të pajisjeve ushtarake, shkruan rrjeti vendas Business Day.
Presidenti Cyril Ramaphosa kur erdhi në post në 2018 u zotua për luftë ndaj korrupsionit pas skandaleve të pararendësit të tij Jacob Zuma, i akuzuar për vjedhje të mëdha fondesh shteterore.
Top Channel
