Një ditë pasi në fshatin Babicë të Vlorës, në banesën e Luçiano Deraj, të arrestuar për gjetjen e një arsenali armësh, në banesë gjejmë vetëm gjyshërit e tij së bashku me nënën, të cilët nuk duan që të dalin në kamera.
Jashtë kamerave ata shprehen se nuk e kishin idenë për armët dhe se djali i tyre punonte në një servis automjetesh. Gjithashtu ata janë shprehur se policia ka ardhur mëngjesin e djeshëm në orën 8-30 dhe ka qëndruar pothuajse gjatë gjithë ditës deri në mbrëmje.
Në katin e dytë të banesës e cila survejohej me kamera policia pasi ka bërë kontrollin dhe sekuestruar arsenalin e armëve, ka mbyllur derën dhe nuk lejojnë njeri të hyjë.
Ndërkohë që drejtoria e policisë së Vlorës ditën e djeshme ka dalë në një konferencë për shtyp për arsenalin e armëve që kishte sekuestruar.
Top Channel
