Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Policia gjermane ka arrestuar disa të dyshuar në një operacion kundër krimit të organizuar dhe ka sekuestruar sasi të mëdha marijuane gjatë kontrolleve.
Siç njoftoi policia dhe prokurori publik i Dortmundit të enjten, 5 urdhër-arreste u ekzekutuan dhe objektet në Dortmund, Bönen dhe Werl u ekzaminuan.
Janë arrestuar 2 shtetas shqiptarë, 2 të dyshuar me origjinë libaneze dhe një burrë nga Dortmundi. Pesë personat dhe një shqiptar i arrestuar në dhjetor 2023, i cili u kap me 180 kilogramë marijuanë po hetohen për import dhe tregtim të marijuanës në sasi të mëdha.
Policia dhe zyra e prokurorit publik në Dortmund kishin hetuar grupin e fshehtë që nga vjeshta e vitit 2023. Të dyshuarit thuhet se kishin importuar marijuanë me kamionë nga Spanja dhe e shisnin atë në Gjermani.
Policia sekuestroi rreth 200 kilogramë marijuanë në një shtëpi në Bönen, droga ishte dërguar më parë nga Spanja përmes një zone industriale në Ëerl. Hetuesit gjetën gjithashtu lëndë narkotike shtesë, një armë bosh, fishekë dhe qindra mijëra para cash.
Top Channel
