Hidhet ujë dhe gaz lotsjellës mbi protestuesit/ Vijon protesta e opozitës 26/11 18:26
Kryeministri Edi Rama, në konferencën e përbashkët me komisionerin, Oliver Varhelyi, pas Samitit BE-Ballkani Perëndimor foli për përfitimet nga Plani i Ri i Rritjes.
Duke pasur të njëjta kosto për transaksionet bankare me vendet e BE-së, shqiptarët kursejnë 500 milionë euro u shpreh Rama. Sipas tij, me Planin e Ri të Rritjes, Shqipëria dhe vendet e tjera të rajonit, janë në kushte të njëjta me vendet anëtare të unionit, sa i takon shumë proceseve.
“Ky është rezultat i dialogut, i nxitjes nga na jonë për t’u dëgjuar, për t’u kuptuar sa i takon vështirësive dhe ideve. Falë këtij shkëmbimi pikëpamjesh, kemi arritur këtë objektiv shumë të rëndësishëm për të futur në procesin tradicional të integrimit diӓka të re, që mund të na çojë në një nivel tjetër më shpjet. Plani i Ri i Rritjes është një platformë për të përshpejtuar hyrjen tonë në BE. Do ta bëjë këtë proces të prekshëm për njerëzit. Solla shembullin e kostos së transaksioneve financiare. Ne kemi shumë njerëz që punojnë jashtë dhe ndihmojnë të afërmit e familjet e tyre në atdhe. Për çdo para që ata dërgojnë, kostoja është 6 herë më e lartë se transaksionet në BE.
Plani i Ri i Rritjes do të na lejojë ta çojmë këtë kosto në të njëjtin nivel me atë të shteteve anëtarëve, që do të thotë do të kursejmë gjysmë miliardë euro. Do të kursehen nga xhepat e qytetarëve dhe bizneseve tona. Ka shumë të tjera, që janë pjesë e këtij plani, që na jep mundësinë, të kemi kushte dhe procese që janë krejt të njëjta me ato të shteteve anëtarë. Këto po ndodhen para se ne të bëhemi anëtarë”, u shpreh Rama.
Top Channel
