Opozita në protestë para bashkisë/ Marrin pjesë një grup i vogël qytetarësh, krijohet trafik i rënduar në kryeqytet 20/09 12:26
Kryeministri Edi Rama ka reaguar pas miratimit në Kuvend të marrëveshjes së emigrantëve me Italinë.
Opozita po e përdor këtë çështje si lëndë djegëse për grindjet e brendshme politike, në vend që të ketë bashkëpunim për të gjetur përgjigjet e duhura sipas Ramës, i cili shton se kjo situatë rrit ankthin mes njerëzve dhe e bën të ardhmen kolektive më të pasigurt.
“Kuvendi ratifikoi sot marrëveshjen e bashkëpunimit kundër migracionit të paligjshëm ndërmjet Shqipërisë dhe Italisë! Shqipëria mbështet Italinë dhe vepron si një vend anëtar i BE-së, duke rënë dakord të ndajë një barrë që Evropa duhet ta përballojë e bashkuar si një familje, përballë një sfide që kapërcen ndarjet tradicionale të majta dhe të djathta. Punojmë së bashku për të gjetur përgjigjet e duhura, pa e lënë këtë çështje të përdoret si lëndë djegëse për grindjet e brendshme politike që rrisin ankthin mes njerëzve të kontinentit tonë të përbashkët dhe e bën të ardhmen tonë kolektive më të pasigurt. Asnjë vend nuk mund ta zgjidhë një sfidë të tillë i vetëm, asnjë retorikë apo zgjidhje e shpejtë nuk mund të zvogëlojë vështirësinë e kësaj sfide dhe asnjë lavdi e vjetër apo mënyrë demode e të menduarit nuk mund të na shpëtojë nga përballja me atë që po vjen në të gjitha frontet. Vetëm një Evropë më e fortë, më e guximshme dhe më sovrane besnike ndaj vetvetes, mundet”, shkruan Rama.
The Parliament today ratified the agreement of cooperation against illegal migration between Albania and Italy! Albania is standing together with Italy by choosing to act like an EU member state and agreeing to share a burden that Europe should face united as a whole family in…
— Edi Rama (@ediramaal) February 22, 2024
Kujtojmë se Kuvendi miratoi sot me 77 vota pro marrëveshjen me Italinë për strehimin e emigrantëve.
Top Channel
