Video/ Parlamentarët Maori prishin seancën me ‘vallen e forcës’ në protestë ndaj ligjit për indigjenët (fotot)
15/11 16:13
Me këngë, kërcime e parada një komunitet afro-kolumbian në jugperëndim të vendit feston në shkurt ato që quan “Krishtlindjet e lashta” të “birit të Zotit të Zi, e nisur si një formë rebelimi kundër skllavërisë nga pararendësit e tyre, shkruan rrjeti AFP.
Qyteti kolumbian i Quinamayó celebron kësaj të shtune “lindjen e Mesias” me simbolika të bebes dhe djepit të florinjtë , ku prej dekadash gratë burrat e fëmijët me kostume tradicionale kujtojnë Krishtlindjet siç bënin të parët e tyre, dy muaj me vonesë.
Para anulimit të skllavërisë në1852, ata detyroheshin nga pronarët të festonin më 24 dhjetor, thotë kërcimtarja 60-vjeçare Lucidalia Balanta, për AFP.
“Skllavëria u shërbente vetëm pronarëve kështu që skllevërit nuk kishin besim, at nisën të festonin krishtlindjet në shkurt si një formë lirie”, shton ajo.
Qyteza e themeluar nga ish-skllevër gjendet në zonën Valle del Cauca dhe në kohën e karnivalit në të shtunën e tretë të shkurtit, pret vizitorë me ngjyrë nga i gjithë rajoni paqësorit.
Kërcimtarja shton se dhe më 24 dhjetor, data e madhe e katolicizmit, fëmijët marrin dhurata dhe darka Krishtlindjeje, por celebrimet e shkurtit janë ato të traditës afro-latine.
Komuniteti me ngjyrë në Kolumbi përbën 9.3% përqind të popullatës dhe kanë qenë më të disavantazhuar pas shumë dekadash skllavëri.
Top Channel
