Izraeli luftë me disa fronte! E enjte tmerri, sulme të njëpasnjëshme në Gaza dhe Liban
14/11 22:57
Në pamundësi për të zhvilluar një mbledhje normale për shkak të Rithemelimit, Damian Gjiknuri dhe Enkelejd Alibeaj e gjetën zgjidhjen tek teknologjia.
“Ju kërkojmë ndjesë…”, tha Alibeaj.
Por, ndjesa e kërkuar nuk frenoi vërejtjet ndaj dy bashkëkryetarëve.
“Situata në Parlament është shqetësuese që manifeston problematikën kryesore që është gjithëpërfshirja”.
Edhe pse i kishin ftuar për t’i marrë mendim, seanca dëgjimore me grupet e interesit shërbeu për të nxjerrë në pah pozicionet e socialistëve dhe demokratëve për zbatimin e dy vendimeve të Gjykatës Kushtetuese për emigrantët dhe mandatet.
“Zgjedhje te tilla ku nuk reflektohet vendimi për votën e diasporës, ku nuk reflektohet vendimi për shpërndarjen e mandateve janë të vlefshme apo s’janë të vlefshme janë legjitime apo s’janë legjitime”, tha Alibeaj.
Pyetjet e Enkelejd Alibeaj edhe pse i drejtoheshin të ftuarve, më shumë duket se ishin për veshët e kolegut socialist.
“Në fakt nëse zgjedhjet do ishin antikushtetuese vetë Gjykata Kushtetuese do i shpallte të lira dhe në rastet kur iu referuat atij vendimi”, tha Gjiknuri.
Socialistët vijojnë të mendojnë se për votën e diasporës topi është në fushën e KQZ, duke ia faturuar Ilirjan Celibashit koston në rast dështimi.
“Nuk ka pas asnjë pengesë KQZ të nxirrte akte nënligjore. Vota e emigrantëve është shumë e rëndësishme ne e kemi parashikuar, por parimet ndërkombëtare thonë se nuk është e detyrueshme për shtet të garantojnë votën e shtesave që jetojnë jashtë vendit”, u shpreh Gjiknuri.
“Ky është opinion i z.Gjiknuri, unë jam totalisht kundër, ka një vendim të Gjykatës Kushtetuese, është i ekzekutueshëm dhe pikë, është i detyrueshëm për Kuvendin”, deklaroi Alibeaj.
Dëgjesa e Komisionit do të vijojnë me partitë politike.
Top Channel
