“Luajtja bixhoz me marrëdhëniet me aleatët nuk i bën nder Kosovës”, Presidentja Osmani ashpërson gjuhën ndaj Kurtit: Asnjëherë s’i kam kuptuar talljet ndaj partnerëve
21/11 12:00
Pas dy ditë shfaqje në “Teatro di Rifredi”, në Firence, ekipi kosovar i shfaqjes “The Handke Project” mori rrugën për tu kthyer në shtëpi.
Ata nga Bolonja me avion ateruan në “Rinas” në Tiranë nga ku morën automjetin për të shkuar në Kosovë. Rreth mesnatës, në “Rrugën e Kombit”, saktësisht tek trau i pagesës për autostradën, ekipi i përbërë prej Jeton Nezirajt, Verona Koxhës dhe Flaka Rrustemit u ndalua nga policia shqiptare.
Pas kontrollimit të dokumenteve, ata u njoftuan se njëri pjesëtar i ekipit është i dyshuar për diçka dhe se do shoqëroheshin për në stacionin e Kukësit.
Kur po mbaheshin në oborrin e stacionit policor të Kukës, vetë artistët mësuan se njëri prej tyre ishte i dyshuar si pjesëtar i një grupi trafikant armësh.
Ekipi i artistëve për tre orë qëndruan në Kukës e u ballafaquan me një sjellë ofenduese e arrogante nga ana e zyrtarëve policor. Pas kësaj, të njëjtët janë përcjellë për në Tiranë, ku trajtimi ndaj tyre nuk ishte aspak i duhuri.
Pas dhjetë orësh mbajtje dhe pa e ditur se për çka ishin të shoqëruar, pa dhënë asnjë deklaratë u mor vesh se “Flaka” që kërkonin policia shqiptare nuk ishte ajo që kishin kapur.
Gjatë kësaj të mërkure, dramaturgu thotë se ekipit i është kërkuar falje nga instancat më të larta të policisë, por shpreh edhe indinjatën që ka me drejtorin e Policisë së Tiranës.
Agjencia e Mbikëqyrjes Policore (AMP) ka nisur hetimet lidhur me ndalimin e një grupi artistësh nga Kosova që u ndaluan nga Policia e Shtetit si të dyshuar për “trafikim të tritolit”.
Top Channel
