“Tempulli 2”/ Prodhonte dhe shiste drogë në Tiranë, arrestohet 36-vjeçari i shpallur në kërkim
04/02/2024 11:10
Në bregdet për plazh, në zonat malore shi! Si parashikohet moti për fundjavën në vendin tonë 17/05 12:49
Foto ilustruese
Një 36-vjeçar i cili ishte shpallur në kërkim për prodhim dhe shitje droge është arrestuar në Tiranë.
36-vjeçari F. M. ishte shpallur në kërkim pasi Gjykata e Shkallës së Parë e Juridiksionit të Përgjithshëm Tiranë i ka caktuar masën e sigurisë “Arrest në burg”, për veprën penale “Prodhimi dhe shitja e narkotikëve”.
Me arrestimin e 36-vjeçarit shkon në 75 numri i shtetasve të ndaluar nga megaoperacioni policor i koduar “Tempulli 2”.
Më parë, gjatë zhvillimit të këtij operacioni, janë sekuestruar 14 kg kanabis, 5.3 kg kokainë, 170 gram heroinë dhe 11 peshore elektronike, 4 armë zjarri pistoleta dhe 1 armë zjarri automatik, 70 celularë, 11 automjete, 2 186 000 lekë, 11 610 euro, 630 paund.
Vijon puna për lokalizimin dhe kapjen e shtetasve të tjerë të shpallur në kërkim në kuadër të këtij megaoperacioni.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
Top Channel
