SHBA me paketë të re ndihme ushtarake për Ukrainën, shifra llogaritet në mbi 400 milionë dollarë 11/05 11:34
Ukraina ka ftuar presidentin kinez Xi Jinping të marrë pjesë në një samit të paqes së bashku me liderët e tjerë botërorë.
Lajmi është bërë me dije nga këshilltari kryesor i presidentit Volodymyr Zelensky. Zvicra ka pranuar të mbajë bisedimet, por ende nuk është caktuar vendi apo data.
“Ne patjetër po e ftojmë Kinën të marrë pjesë në samit, në nivelin më të lartë, në nivelin e presidentit të Republikës Popullore të Kinës”, tha për Reuters këshilltari Igor Zhovkva.
“Pjesëmarrja e Kinës do të jetë shumë e rëndësishme për ne. Ne përfshijmë partnerët tanë në botë në mënyrë që ata t’i përcjellin palës kineze se sa e rëndësishme është të marrësh pjesë në një samit të tillë”- u shpreh Zhovkva.
Pse është kjo domethënëse?
Ekspertët sugjerojnë se përfshirja kineze në bisedimet e paqes mund të jetë instrumentale në përfundimin e luftës.
Pekini ka qëndruar i afërt me qeverinë e Vladimir Putin, pavarësisht pushtimit të Ukrainës në vitin 2022, por gjithashtu ka thënë se sovraniteti dhe integriteti territorial i të gjitha vendeve duhet të respektohen dhe më parë ka ofruar të ndërmjetësojë në konflikt.
Dy qeveritë deklaruan një partneritet “pa kufij” në Pekin vetëm tre javë përpara pushtimit rus të Ukrainës, dhe që atëherë, Kina ka rritur në mënyrë dramatike importet e saj të energjisë ruse.
Presidenti Xi mbetet një nga aleatët më të ngushtë të presidentit Putin të fuqive të mëdha dhe pikëpamjet e tij mbi një plan të mundshëm paqeje mund të jenë kyçe për të ardhmen e konfliktit në Ukrainë.
Top Channel
