Një 38-vjeçar në Korçë është vënë në pranga, pasi transportonte në mënyrë të paligjshme katër emigrantë përkundrejt pagesës.
Në kuadër të operacionit policor “Midnight 26”, u zbulua se autori me iniciale D. G., banues në fshatin Vishocicë të Devollit, e drejtonte mjetin pa patentë.
Policia ka sekuestruar automjetin, 3 celularë dhe një sasi e vogël lënde narkotike cannabis sativa që iu gjet me vete të arrestuarit.
“Shërbimet e Policisë ndaluan në dalje të qytetit të Pogradecit, automjetin tip “Benz” që drejtonte 38-vjeçari. Nga kontrolli në brendësi të automjetit, u panë 4 emigrantë të cilët po transportoheshin kundrejt pagesave, në mënyrë që të kalonin kufirin, ilegalisht”, njoftojnë uniformat blu.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
Top Channel
