Kore anti-shqiptare në Bukuresht/ Ndërpritet sfida Rumani-Kosovë, kapiteni Rrahmani merr lojtarët drejt dhomave të zhveshjes 15/11 23:37
Carles Falcon gjate gares me 7 janar
45 vjeçari Falcon, ishte në gjendje kome që kur u dërgua me helikopter në spital pas një rënieje të papritur në fazën e dytë të garës më 7 janar.
Tragjikisht ai është ndarë nga jeta një javë pas aksidentit në garën Dakar Rally në Arabinë Saudite, njoftonte sot skuadra e tij.
Drejtori i garës David Castera tha për gazetarët se motoçiklisti po konkuronte për herë të dytë në garën e gjatë të rezistencës. Ai ishte gjetur pa puls por ishte risjellë në jetë nga mjekët që erdhën në vendngjarje, para se të dërgohej në spital.
“Carles nuk është më me ne. Mjekët kanë konfirmuar dëme të rënda neurologjike të shkaktuara nga arresti kardiorespirator i aksidentit”, shkruante skuadra e tij TwinTrail Racing në njoftim.
“Carles ishte një njeri aktiv e i buzëqeshur që shijonte atë që bënte. Ai na la duke bërë atë që ëndërronte të garonte në Dakar.”
Edicioni i 46-të i garës u mbajt në Arabinë Saudite dhe ka 12 faza në rreth 4,903 milje nga Alula në veri deri në Yanbu pranë detit të Kuq.
Gara ka nisur në vitin 1978 nga Parisi përmes Saharasë deri në kryeqytetin senegalez Dakar, në 2009 u zhvendos në Amerikën latine dhe në 2020 në Arabinë Saudite.
Top Channel
