Detaje të reja nga incidenti i ndodhur mbrëmjen e sotme në zonën e ish-Kombinatit Metalugjik të Elbasanit.
Pas marrjes së njoftimit, grupi hetimor kanë shkuar në spital dhe më pas në vendngjarje për të kryer të gjitha veprimet procedurale për zbardhjen e rrethanave, në të cilat u plagos në uzinë eksperti për sigurinë e zjarrit.
“Nga veprimet hetimore rezultoi se në ambientet e “Kurum”, shtetasi M. C., 58 vjeç, me detyrë ekspert për sigurinë e zjarrit, gjatë ekspertimit tek Sektori i Petëzimit, është dëmtuar aksidentalisht në këmbë nga një shufër hekuri e shkëputur nga makineria e prodhimit. 58-vjeçari është në kujdesin e mjekëve, jashtë rrezikut për jetën”- thuhet në njoftimin e Policisë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
Top Channel
