Rrëzimi i avionit në Lituani, ngrihen dyshime se mund të jetë i lidhur me sabotim 25/11 22:20
Udhëheqësi i partisë kryesore opozitare të Koresë së Jugut, Lee Jae-myung po i është nënshtruar një operacioni pasi u godit me thikë në qafë gjatë një vizite në qytetin jugor të Busan.
Lee u operia për shkak se iu dëmtuan venat e gjakut nga plagosja dhe po qëndron i shtruar në njësinë e kujdesit intensiv, tha zëdhënësi i Partisë Demokratike, Kwon Chil-seung.
Ai u plagos në anën e majtë të qafës teksa po fliste me gazetarët gjatë vizistës së ndërtimit të Aeroportit të Ri Gadeokdo.
Kwon e përshkroi vrasjen e Lee një akt “terrorizmi” dhe “një kërcënim serioz për demokracinë”.
Më herët gjatë ditës, kreu i Partisë Demokratike Hong Ik-pyo tha se Lee ishte “në një gjendje të vetëdijshme” në spital. Sulmuesi, i cili u arrestua në vendngjarje, ishte rreth të gjashtëdhjetave, sipas policisë së Busanit. Ai iu afrua Lee për një autograf përpara se të kryente sulmin me një thikë të gjatë 18 cm (7 inç) të blerë në internet, tha policia në një konferencë.
Pamjet e sulmit të pacipë, të kapura në televizion drejtpërdrejt në konferencën për shtyp, treguan një burrë të paidentifikuar në frontin e turmës që papritmas e goditi në qafë, duke e bërë Lee të rrëzohej mbrapsht.
Fotot treguan Lee të shtrirë në dysheme me sytë mbyllur dhe një shami të shtypur në qafë. Në disa foto shiheshin sasi të vogla gjaku.
Presidenti i Koresë së Jugut Yoon Suk Yeol shprehu “shqetësim të thellë” për sigurinë e Lee pas sulmit, sipas zyrës presidenciale. Yoon theksoi se një dhunë e tillë “nuk duhet të tolerohet në asnjë rrethanë” dhe urdhëroi policinë që të hetojë me shpejtësi, tha zyra.
Udhëheqësi i Partisë Demokratike Hong u bëri thirrje anëtarëve të partisë që të qëndrojnë të qetë dhe të përmbahen nga interpretimet politike të incidentit. Jashtë Spitalit Kombëtar Universitar të Seulit, një turmë e vogël u mblodh mes pranisë së madhe të policisë të martën pasdite ndërsa ambulanca që transportonte Lee mbërriti. Në një deklaratë, agjencia kombëtare e policisë së Koresë së Jugut u zotua të forcojë mbrojtjen për të parandaluar raste të ngjashme.
Politika e Koresë së Jugut është përçarë nga polarizimi i thellë midis palëve konservatore dhe liberale, veçanërisht në vitet e fundit ku ish-presidentja Park Geun-hye u burgos për akuza për abuzim me pushtetin dhe ryshfet përpara se të falej dhe lirohej në vitin 2021. Lee, 59 vjeç, një ish-guvernator provincial liberal, humbi ngushtë nga Yoon i Partisë Konservatore të Pushtetit Popullor në zgjedhjet presidenciale në mars 2022. Lee u bë kreu i Partisë Demokratike pesë muaj më vonë dhe po përgatit partinë e tij për zgjedhjet parlamentare në prill.
Koreja e Jugut ka qenë dëshmitare e incidenteve të profilit të lartë të dhunës politike në të kaluarën.Paraardhësi i Lee në Partinë Demokratike, Song Young-gil, u sulmua në kokë me një çekiç nga një burrë gjatë një aktiviteti të fushatës për ofertën presidenciale të Lee në 2022. Park, ish-Presidentja, u sulmua me thikë në një tubim partie në Seul në vitin 2006, kur ajo shërbeu si kryetare e partisë kryesore opozitare të vendit në atë kohë, Partia e Madhe Kombëtare. Ajo pësoi një prerje prej katër centimetrash në fytyrën e saj që kërkonte 60 qepje dhe e pengoi atë të fliste normalisht për javë të tëra.
Dhe në vitin 2015, Mark Lippert, në atë kohë ambasador i SHBA-së në Korenë e Jugut, u godit me thikë në fytyrë nga një sulmues në një ngjarje politike ku ai do të fliste. Ambasadori pësoi një plagë nga mollëza e djathtë në nofullën e poshtme që kërkoi 80 qepje. Sulmuesi i tij më vonë u dënua me 12 vjet burg.
Top Channel
